ضل راجل ولا ضل حيطه

تــوتــا …

المملكة العربية السعوديةجده tota_ygar


جلست بعض السيدات فى النادي فتحدثت سيدة وبدأت تخطب فى وسط سيدات النادي
وقالت : قالو ضل راجل ولا ضل حيطه ... يختى بلا نيله

1 - عمرك سمعتي عن حيطه بتشخر طول الليل ومتخلكيش تعرفي تنامي

2 - ولا حيطه تدخل من باب البيت تجعر عايزه الغدا وبعدين تطين عيشتك عشان الملح طلع زياده في الباميه

3- ولا ممكن ترجعي البيت فى يوم تلاقي الحيطه بتبوس في الشغاله

4 - طب شفتي حيطه تملا سقف الشقه دخان والارض سبارس

5 - ولا حيطه تدوخك وراها عشان تشوفيها بتكلم مين ف نص الليل فى التليفون

6- طب الحيطه معروف مكانها طول الليل انما المحروس يدوخك وراه عشان تعرفي كان سهران في انهي دهيه قال ايه عنده شغل ... يا سم

7- ولا في حيطه تحاول تطلعك غلطانه فى كل كلمه تقوليها عشان تثبت للعيال ان الحيطه بتفهم عنك

8- ولا حيطه تقعد تقولك ماتخرجيش بالفستان ده أحسن اقطعه ولما تطلبى منها فلوس عشان تجيبى فستان غيره تعمل ودن من طين وودن من عجين طيب ده حتى الحيطه ليها ودان أعمل إيه يعني أعيط