معقول ماتت فينا النخوة ودفناها
لي مت ننذبح ونسكت لليهود
معقول الارض يا ناس بالرخص بعناها
نتشاطر على بعضنا ونقسم في الحدود
واسرائيل اخذت كل الارض وما منعناها
اصحوا يا عرب يكفي ترى كل هالجمود
يكفي ترى حتى ثيابنا من الذل كرهناها
اصحوا يا عرب ملت ايدينا القيود
ارضنا محاصرة وشكلنا قد نسيناها
وين غيرت اهلنا وين عز الجدود
ماتت الغيرة فينا ولا فكرنا وحيناها
غزة رغم صغرها كتبت تاريخ الصمود
واحنا ثلاثة وعشرين دولة تواريخنا محيناها
تبعنا امريكا وصرنا لها اذناب وشهود
وفلسطين تصرخ ولصراخها الأذن سديناها
زعاماتنا على العروش واحدهم فارس جلمود
واحنا لزعامتنا نهتف وبالروح نفداها
وساعة الحسم يسكتون والجود في الموجود
وما موجود غير الذل وللأسف فيه نتباها
زعامتنا يكفينا ترى ملينا سلامكم المنشود
سلام ويا خضوع وذل هالعيشة ما نبغاها
ترى غزة البداية والدور على بيروت
والشام بعدها وكل امة العرب وراها
اسطول للحرية رايح وللسلام ينشد الرادود
قصفوه ولد العهر و الدنيا مدري شجاها
شالوا بيديهم حمام وتقابلوا برصاص وبارود
وترى اسرائيل ما قصفت ابد واحنا الي قصفناها
قصفناها بسكوتنا وخضوعنا المعهود
فضيحة يا عرب واحنا الي طميناها
تنديد وشجب واستنكار وقرارات اكلها الدود
مو كافي ترى قراراتكم الخانعة شبعناها
زعاماتنا يجيكم يوم وحاة الخالق المعبود
عروشكم فوق روسكم تلاقونا قلبناها
هبوا يا عرب وقتنا ترى محدود
للنصر خلنا نفك بواب ما يوم سكرناها
هبوا على الحصار وللموت صيروا جنود
الشهادة فخر وكرامة وهي الي نشدناها
بالفصحى نكتب على الجدران ( سوف نعود )
وارواحنا ترخص ترى ولغزة هديناها